«Эйр Астана» бір мезгілде капиталды қайтара отырып, өсудің кірісі мол мүмкіндіктеріне инвестициялау арқылы акционерлер үшін пайданы барынша арттырудың ұзақ мерзімді тарихын қалыптастырып келеді. Шығындар төмен деңгейде сақталады, ал әлеуетті кіріс тиімділік пен автоматтандыруды қамтамасыз ететін ең жаңа технологияның арқасында жоғары күйінде қалады, сондай-ақ қосымша кіріс алудың тартымды мүмкіндіктерін ұсынады.
Компаниямыздағы операциялық тиімділік және шығындарды бақылау деңгейі – нарықтағы ең тиімді деңгейлердің бірі, осының арқасында біз – төмен бюджетті тасымалдаушылардың шығындар құрылымымен қызметтердің толық кешенін ұсынатын айрықша әуе компаниясымыз.
Бізге бірегей мүмкіндік берілген: Қазақстан Еуразияның орталығында, Қытай, Үндістан және Ресей сияқты өсіп келе жатқан нарықтардың арасында орналасқан. «Эйр Астана» әуе компаниясының мақсаты – осы нарықтардың арасын жалғау, бұл ретте біз орналасу ерекшелігімізді пайдалана аламыз.
Мәдениетіміздің күшін пайдалана отырып, біз су жаңа, неғұрлым тиімді және заманауи әуе кемелерінде қызмет көрсетудің тамаша деңгейін қамтамасыз ете аламыз, бұл ретте тиімділігі жоғары операциялық құрылымның және жалғыз ғана жоғары нәтиже мен сапаға қол жеткізу мақсатын көздейтін, өз істеріне адал берілген кәсіби мамандар командасының арқасында қызметімізді аз шығынмен жүзеге асырамыз.
«Эйр Астана» 2026 жылға қарай жолаушылар ағынының екі еседен астам шамаға артуын қамтамасыз ету мақсатында әуе кемелерінің паркін екі есеге ұлғайтуды жоспарлайды.
Біздің мақсатымыз – рейстердің жиілігін арттыру, жаңа нарықтарға шығу және бағыттар желісін кеңейту есебінен пайда өсімін қамтамасыз ету.
Халықаралық әуе тасымалдарына сұраныс жылдам өседі және Қазақстанның айналасындағы нарықтардың кейбіреулері әлемдегі ең ірі нарықтарға айналуы мүмкін. Қытай мен Үндістанның 2022 жылға қарай әлемдегі көлемі жөнінен аса ірі және үшінші нарықтарының қатарына көтерілуі күтіледі. Біз өз қызметкерлерімізді дамыту және оқыту жолын ұстануымызды жалғастыратын болсақ, өсе түсетін және жоғары стандарттар мәдениетін дамыта түсетін боламыз. Бізге таңдаған жолымызда көмектесетін және табысқа жетуімізге септігін тигізетін таңдаулы мамандарды тартуымызды жалғастырамыз.
Бүгінгі таңда қызметтердің толық кешенін ұсынатын әуе компаниясы болып табылатындығымызға қарамастан, бір шекті жолаушы-километрге (ШЖКМ) шаққандағы шығындар 5 АҚШ центінен сәл ғана асып, әлемдегі ең төмен бюджетті әуе компанияларының экономикалық тиімділігіне сәйкес келеді. «Эйр Астана» өнімділік пен тиімділіктің айрықша жоғары стандарттарын, қызметкерлерді ынталандыру мен қызығушылығын арттырудың жоғары деңгейін сақтай отырып, қазақстандық авиация нарығында жаңғыртушы күшке айналу үшін өзіміз енгізетін ең жаңа технологиялардың арқасында осы деңгейге қол жеткізеді.
Бәсекеге қабілетті шығыстар базасының арқасында бізде FlyArystan жөніндегі пайымдауымызды іске асыру үшін қажетті ресурстар бар. «Эйр Астана» қазірдің өзінде жолаушыларға жайлылық пен төмен тарифтерді ұсынады, ал осындай тартымды ұсынысты сақтап қалу тиімділіктің аса жоғары деңгейін қажет етеді. Барлық бағыттар бойынша өнімділіктің жоғары деңгейін сақтай отырып, «Эйр Астана» да, FlyArystan да пайдалану және тасымалдар жиілігі коэффициентін ұлғайту үшін әуе кемелеріне техникалық қызмет көрсету процестерін жақсарта алады.
Әлемдік деңгейде қызмет көрсету біздің негізгі стратегиялық мақсатымыз болып табылады және тиянақтылық пен сервистің жоғары деңгейінен көрініс табады. Біз соның есебінен аймақтағы ең үздік әуе компаниясы болған стандарттар мен сапаның осындай жоғары деңгейіне ұмтылу қызметіміздің басымдығы болып табылады және біздің табысқа жетуімізге септігін тигізетін операциялық тиімділіктің жоғары деңгейін қамтамасыз етуге көмектеседі.
Компания барлық деңгейлерде жоғары стандарттардың қамтамасыз етілуін талап етеді. Директорлар кеңесі деңгейінде үздік халықаралық практиканың ең жоғары стандарттарын көрсететін басқару құрылымдары құрылды және біз қызметіміздің барлық салаларында жолаушылардың ең жоғары қанағаттану деңгейін тиімді қамтамасыз ету үшін өз қатарында ең үздік технологиялар мен жұмыс әдістерін енгіземіз.
Жоғары стандарттар мәдениетіне залал келтірместен, өсудің жоспарланған жоғары деңгейіне қол жеткізу мақсатында Компания қызметкерлерді дамытуды басымдық етіп қояды. Біздің тамаша қызметкерлеріміз Компанияның жүрегі болып табылады, олар «Эйр Астананы» өз саласындағы жаңғыртушы күшке айналдырды.
Компания өз қаржысын әрі қарайғы өсуге инвестициялау мүмкіндігі болатындай етіп басқарады.
«Эйр Астана» компаниясының таза пайдасы 2018 жылғы 31 желтоқсандағы ахуал бойынша 5,35 миллион АҚШ долларын құрайды.
Біз ең заманауи және үнемді ұшақтардың бірін қамтитын, 34 әуе кемесінен тұратын паркті пайдаланамыз. Парк Boeing 767/757 ұшақтарынан, Airbus A320 тобындағы ұшақтардан, соның ішінде A320neo/A321neo ұшақтарынан, сондай-ақ Embraer E190/E190-E2 ұшақтарынан тұрады. Парктің үштен бір бөлігі – меншікте, ал қалғандары – операциялық лизингте.
«Эйр Астана» әуе компаниясында 5 210 адам жұмыс істейді. Компания қызметкерлерді оқытып-үйретуге және тартуға аса жоғары мән береді, ал «Эйр Астана» академиясындағы біріктірілген озық тәжірибе орталығы ұшқыштар мен персоналдың мансап жолдарының барлық кезеңдерінде олар үшін тренингтер өткізеді.
Ұшу барысында ойын-сауықтардың ең жаңа жүйелеріне және Wi-Fi желісіне қолжетімділіктің болуына байланысты клиенттердің бейілдігі ғана емес, сонымен қатар, бейілділік бағдарламамызға қатысушылар санының жылдам өсуі және «Эйр Астананың» мобильді қолданбасы арқылы цифрлық өзара әрекеттесудің артуы айтарлықтай мол табыс алуға және клиенттермен өзара әрекеттесу нүктелерін ұлғайтуға мүмкіндік береді.
Астана мен Алматыдағы тораптық әуежайлар арқылы жылдам өсіп келе жатқан Қытай, Үндістан және Ресей нарықтары арасындағы транзиттік жолаушылар ағыны «Эйр Астана» компаниясының негізгі өсу факторы болып табылады, ал ірі халықаралық әуе компанияларымен кодшеринг-келісімдердің өсе түсіп отырған желісі де артықшылығы болып табылады.
Өзінің қызметі мен әлеуметтік жобаларының арқасында «Эйр Астана» Қазақстанның дамуына елеулі үлес қосады. Біз жүзеге асырып отырған жобалар жергілікті кәсіпорындарды, қоғамдастықтар мен инфрақұрылымды нығайтады және аймақтың инвестициялық тартымдылығын арттыруға көмектеседі.